16 години за една фирма е многу време, но ние сакаме нашиот РСИ да трае долго, долго. Затоа што РСИ, тоа сме сите ние.Тоа не е само фирма, понекогаш имаме чувство дека е живо суштество во кое сме вложиле многу часови труд, многу позитивни мисли и се она што човек го вложува кога го одгледува своето дете.
И затоа сакаме ова наше дете да живее долго, заедно со сите нас.

А понатаму на РСИ му посакуваме уште многу убави, среќни моменти во работата.

Ние знаеме дека не може секогаш да биде едноставно и без проблеми, но сите проблеми може да се совладаат доколку постои добра волја кај луѓето кои ја сочинуваат оваа фирма.
А сето тоа, Вие соработниците на РСИ го покажавте безброј пати.
Ви се заблагодаруваме на Вашите позитивни мисли, на Вашата пожртвуваност сите овие години, на Вашата упорност кога е најтешко...
Ја одржавте оваа фирма 16 години, бидете ни потпора и понатаму.
Само со заеднички сили можеме да напредуваме...
Сакаме повторно да Ви кажеме дека Вие сте нашата најголема сила и дека Вие не водите напред.
Ви благодариме.

Ќе завршиме со една изрека од Benjamin Franklin

ЧОВЕК КОЈ МИСЛИ ДЕКА МОЖЕ ДА ЖИВЕЕ БЕЗ ДРУГИ, МНОГУ СЕ ЛАЖЕ:
А УШТЕ ПОВЕЌЕ ОНОЈ КОЈ МИСЛИ ДЕКА ДРУГИТЕ ЛУЃЕ НЕ МОЖАТ ДА ЖИВЕАТ БЕЗ НЕГО.

Драги наши, нека ни е среќен 16-тиот роденден, а останатите 116 да ги дочекаме во здравје и радост.
Вашите Габриела и Јурај